කසුන්ගේ ලිපිය

Mysql Backup එක Zip ආකාරයෙන් ස්වයංක්‍රීයව backup කරගමුද?

2011-07-08T14:14:00.001+05:30

අද කියන්න හදන්නේ windows වල mysql backup එකක් කොහොමද ස්වයංක්‍රීයව සිදු කරන්නේ කියල. Linux වල කරන හැටි තව ටික දවසකින් දාන්නම්. මමත් මේ ක්‍රමය හොයාගන්න කලින් කලේ backup එකක් ගහලා ඒක zip කරලා (ඒ අදාල දිනේ නමින්) ෆෝල්ඩරයක් හදලා ඒකට දාන එක. ඒත් ඒක හැමදාම කරන එක කරදරයක් නිසා තමා මේ ගැන හොයන්න ගත්තේ. ඇත්තටම මේක කරන්න මම යොදාගන්නේ bat file එකක්.

mysql backup එකක් අපිට phpmyadmin මගින් හෝ වෙනත් මෘදුකාංගයක් භාවිතා කරලා ගන්න පුළුවන්. උදාහරණයක් විදියට මම කලින් ලිපියක කියලා තිබුනා sqlyog මතක ඇතිනේ. තව මෘදුකාංග ගණනාවක් මේ සදහා සහය දක්වනවා. මම නම් සාමාන්‍යයෙන් mysql backup කරන්නේ mysql වලම එන mysqldump කියන command එකෙන්. Mysql ස්ථාපනය කරලා තියන ෆෝල්ඩරයේ තියනවා mysqldump.exe කියලා ෆයිල් එකක්. එක තියෙන්නේ bin කියන ෆෝල්ඩරයේ. ඒ කියන්නේ මෙන්න මේ path එකේ

Webpage එකක් Different Browsers වලින් පේන හැටි

2011-07-07T17:21:00.003+05:30

අද මම කියන්න යන්නේ Web Developing කරන කෙනෙක්ට වැදගත් වෙන සේවාවක් ගැන. වෙබ් පේජ් එකක් එක එක browsers වල පේන්නේ ඒක එක විධියට. සාමාන්‍යයෙන් පුද්ගලිකව මම භාවිතා කරන්නේ browser 3 ක් විතර. firefox, Internet Explore, Google Chrome යන ඒවා. ඉතින් මම වෙබ් පේජ් එකක් හැදුවොත් මට මේ browser තුනේම මේක පරික්ෂා කරලා බලන්න පුළුවන්. ඒත් දැනට භාවිත වන තව කොච්චර browsers සංඛ්‍යාවක් තියනවද. ඒත් අපිට ඔය හැම browsers එකක්ම අපේ Computer එකට install කරලා වෙබ් පේජ් එක පරික්ෂා කරන එක ප්‍රායෝගික නෑනේ. අන්න ඒකට විසදුමක් තමයි මම මේ කියන සේවාවෙන් අපිට දෙන්නේ. මේ සේවාවේ නම තමයි browsershot. මේ සේවාව මගින් අපිට විවිධ browser වලින් අපේ Website එක පේන හැටි අපිට Screen shot වලින්..............

ලිනක්ස් ගැන හැදින්වීමක් |Linux පංතිය‍|

2011-07-06T16:48:00.002+05:30

අද මම පටන් ගන්නවා මගේ ලිනක්ස් පාඩම. අපි මුලින්ම බලමු මොකද්ද මේ ලිනක්ස් කියන්නේ කියලා. Linux කියන්නේ සරලවම ගත්තොතින් "Operating System " එකක්. වෙනසකට තියෙන්නේ මේ ලිනක්ස් vertion ගොඩක් ඒවා අපට දෙන්නේ නොමිලේ. සමහර linux enterprice vertion නම් අපිට ගන්න වෙන්නේ සල්ලි දීලා. ඉතින් දැන් ගොඩක් දෙනෙක් ලිනක්ස් පාවිච්චියට පුරුදු වෙලා තියනවා registration ප්‍රශ්න නිසා.....................................................................................................................................

නැවතත් බ්ලොග්කරණයට :D :D

2011-07-05T12:58:00.008+05:30

ආයුබෝවන්, දිගු නිහැඩියාවට පස්සේ අද සිට අළුත් දෙයක් කරන්නයි සූදානම. මම හිතුවා ලිනක්ස් ගැන පොඩි පංතියක් පටං ගන්න. ලිනක්ස් GUI එක ගැන ගොඩක් දෙනෙක් ලියන නිසා මම හිතුවා linux Server side එක ගැන ලියන්න.

ඒත් එක්කම කියන්න ඕන අපි පටන් ගත්තා අළුත් සයිට් එකක් ezonelk කියලා. "අපි" කියලා අදහස් කලේ මම සහ මගේ යාළුවෙක් ‍වෙන ජීවනයි. ඉතින් අදින් පස්සේ මම මගේ සියළුම ලිපි ලියන්න හිතන් ඉන්නේ ezonelk site එකේ. මොකද ජීවන දැනට ezonelk site එකේ php class නමින් ලිපි පෙලක් ලියාගෙන යන නිසා මමත් හිතුවා linux ගැන ලිපි පෙලක් ලියාගෙන යන්න. තවම සින්ඩියට ezonelk ඇතුලත් වෙලා නැති නිසා මම මගේ බ්ලොග් එකේ පොඩි සාරාංශයක් දාලා ezonelk එකට read more ලින්ක් එකක් දාන්න හිතුවා. මොකද එතකොට සින්ඩියත් update වෙනවා ezonelk එකත් update වෙනවා. එහෙනම් මම දැන් නවතිනවා. හැකිතාක් ඉක්මනට මම මේ ලිපි පෙල ලියන්නට උත්සහා ගන්නවා.

Foss User Magazine වෙතින් නොමිලේ E-mail ලිපිනයක්

2010-10-28T11:10:00.005+05:30

අද නම් කියන්න යන්නේ සොෆ්ට්වෙයා එකක් ගැනනම් නෙමේ. පොඩි නිවේදනයක් දෙන්නයි යන්නේ. මේක ඉතින් ගොඩක් වැදගත් වෙන්නේ FOSS පරිශිලකයන්ට. ඒත් ඉතින් අනිත් අයට මේකේ තහනමක් නෑ.

ඔගොල්ලෝ කවුරුත් දන්නවා ඇතිනේ FOSS User Magazine එක ගැන. ඉතින් FUM එකෙන් තීරණය කරලා තියනවා නොමිලේ fossuser.com E-mail ලිපිනයක් ලබාදෙන්න. ඒ කියන්නේ yourname@fossuser.com වගේ ලිපිනයක්. ඔබට කරන්නේ තියෙන්නේ මේ සබැදිය හරහා ගොස් ‍එහි තිබෙන ඇප්ලිකේෂන් එක පුරවන්න විතරයි. හැබැයි මේ අවස්ථාව දෙසැම්බර් 1 අවසාන වෙනවා ඒ නිසා අදම ඔබගේ E-mail ලිපිනය ලබාගන්න. වැඩි විස්තර සදහා Foss user magazine blog එකට යන්න. පුළුවන් කට්ටිය මේ ගැන අනිත් අයවත් දැනුවත් කරන්න.

Bookmark online sync කිරීම

2010-08-03T12:50:00.000+05:30

ගොඩක් කාලෙකට‍ පස්සේ ආයෙත් පොස්‍ට් එකක් දාන්නයි හදන්නේ. අද කියන්න හදන්නේ මට ගොඩක්ම වැදගත් වුන Firefox addone එකක් ගැන. ඒ තමා xmark. ඇත්තටම Xmark කියන්නේ bookmark addone එකක්. මෙමගින් අපේ browser එකේ තියන bookmarks ටික xmarkserver එකට upload කිරීම සිදුවෙනවා. මම මේක භාවිතයට පුරැදු වුනේ මගේ පරිගනය format කරද්දි මට හැමදාම අමතක වෙනවා bookmark back up ගන්න. ඉතින් මම ගොඩක් වෙලාවට කරන්නේ book mark දා ගන්නේ නැතුව notepad එකකට මේ link ටික copy කරන එකයි. ඒත් ඉතින් මේක මට යන යන තැන pen driver එකේ දාගෙන යන එක කරදරයක් වුනා. මොකද අනිත් pc වලට ගහද්දි එවාගේ මොන වෛරස් තියනවද දන්නේ නෑනේ.

මට මේ bookmark addone හොයන්න හිතුනේ, google chrome වල inbuilt මේ පහසුකම තියනවා දැකලා. මම පෞද්ගලිකව පාවිච්චි කරන්න කැමති firefox. ඉතින් ඒ නිසා මම book mark addone හොයද්දි තමා මේ Addone එක හම්බුනේ. Book mark addone සෑහෙන ප්‍රමානයක් තිබුනත්, මේක තමා මට මුලින්ම හම්බුනේ. ඉතින් ඒ නිසා අනිත් ඒවා නම් දාලා බැළුවේ නෑ. මීට වඩා හොද ඒවා තියනවනම් comment කරන්නකෝ.

අපි මුලින්ම මේ Xmark site එකේ register වෙන්න ඕන. ඊට පස්සේ මෙ addone එකෙන් username, password දීලා පේ account එකට ලොග් වෙන්න ඕන. ඊට පස්සේ අපිට පුළුවන් Book mark backup, restore, sync කරන්න. මේකේ තියන මම කැමතිම දේ තමා online bookmark sync වෙන එක. ඒ කියන්නේ අපි browser එකේ book mark එකක් දැම්මහම automatically xmark server එකේ update වෙනවා. ඒ වගේම මෙහි book mark වෙන වෙනම category කිරීමේ හැකියාවක්ද තිබෙනවා . මෙ ම addone එක firefox, IE, safari, chrome සදහා සහය දක්වනවා. උත්සහ කරලා බලන්න xmark.

මගේ බ්ලොග් කෙරුවාව

2010-05-17T16:01:00.000+05:30

මට හිතුනා මගේ බ්ලොග් ලිවිල්ල ගැන අතීතයට යන්න. ඇත්තටම මට බොලොග් එකක් ලියන්න හිතුනේ, මලින්තගේ සටහන දැකලා. ඒක හමුවුන හැටිත් මට මතකයි. ඒ දවස් වල මම පාවිච්චි කලේ lankabell CDMA දුරකථනයක්. තව SLT CDMA දුරකථනයකුත් පාවිච්චි කලා (ඒ lankabell එකේ බිල ගෙවලා නැති නිසා). දවසක් මම අන්තර්ජාලයේ සැරිසරද්දි මට හම්බුනා sinhala tamil kit software එක. මට හරියට මතන නෑ මොන සයිට් එකෙන්ද ගත්තේ කියලා.

ඉතින් මේක ස්ථාපනය කලාට පස්සේ අළුත් tool bar එකක් ආවා task bar එකට. අහම්බෙන් වගේ එකෙන් Sinhala කියන කී බොර්ඩ් එක සිලෙක්ට් කරගෙන type කරලා බැළුවා. මෙන්න බොලේ desktop එකේ folder එක rename කරන්න ගියාම ඒකේ සිංහලෙන් ටයිප් වෙනවා. මාර ආතල් වැඩේ. ඊට පස්සේ මම කලේ මගේ desktop එකේ තිබ්බ icon වල නම් සිංහලෙන් දාන එක. ඉතින් ඊට පස්සේ මට මීටර් උනේ web browser එකේ සිංහලින් search කලොත් මොනව වෙයිද කියලා. ඉතින් මම එකත් කලා. සිංහල ටයිප් කරන එක මට අමාරැ වුනේ නෑ මට. ඒ මොකද කීවොත් මම ඒ දවස් වල වෘත්කීයක් විදියට කලේ type settings. ඉතින් කොහොමෙන් හරි මම search කරනකොට මට හම්බුනා මලින්ත‍ගේ සටහන.

ඕක දැක්කට පස්සේ තමා මට හිතුනේ ඇයි මටත් බ්ලොග් එකක් ලියන්න කියලා. ඉතින් මලින්තගේ ‍අඩවියෙන් තව ලින්ක් තිබ්බ නිසා ඒ හැම එකටම ගියා. මට මතක විදියට සුධාරකගේ අන්තර්ජාල සටහන, ආදරනීය, වෙබ් ආලෝචනා, රන්දුනු තමා මම දැනුවත්ව තිබුනු අඩවි. ඇත්තටම ඒ දවස් වල ‍දැන් වගේ බ්ලොග් කියවනයක් තිබ්බද කියලාවත් මම දන්නේ නෑ. ඉතින් කොහොමෙන් කොහොමෙන් හරි මම 2007 නොවැම්බර් 16 වන දින මගේ ප්‍රථම බ්ලොග් සටහන් ලිව්වා. එතකොට මම කවුන්‍ටර් දාන හැටි එහෙම දන්නේ නෑ. මලින්තගෙන් අහලා තමා ඒ ගැජමැටික්සි දා ගත්තේ.

මා දන්නා ආකාරයට මේ වන විට සිංහල බ්ලොග් 800-900 පමන අන්තර්ජාලයේ තිබෙනවා. ඇත්තටම ගොඩක් සතුටුයි මෙම සිංහල බ්ලොග් වල දියුණුව දිහා බලනකොට. ඒත් මට තියන එකම දුක 2007 නොවැම්බර් 16 දින පටන් මේ දක්වා ලියන බ්ලොග් එකේ ඇත්තේ post 42 පමන. ඇත්තටම දැන් මට බ්ලොග් එක ලියන්නේ නැති එකම හේතුව කම්මැලිකම. එක දිගට වචන ගලපල ගොඩක් ‍ලොකු post එකක් දාන්න හිතුවත් දාන්න දෙයක් නෑ. ඒකට හේතුව මට සිංහල අරහං වීම. පාසල් යන කාලයේ සිට මට එපාම කරපු විෂය වූයේ සිංහලය.

කෙසේවුවත් මට කියන්නට ඇත්තේ සිංහල බ්ලොග් කරණය හැකිතාක් දියුණු කරන ලෙසයි. ඒ සදහා මා හට කිරීමට හැකි සියළුම දේ කීරීමට මා බැදි සිටින්නෙමි

මොබයිල් ෆෝන් වලට applications and Games

2010-05-02T13:50:00.001+05:30

ඔන්න හුග කාලෙකට පස්සේ ලිපියක් දාන්නයි හදන්නේ. ඇත්තටම මම කියන්න හදන්නේ Web site එකක් ගැන. මේ සයිට් එක වැදගත් වෙන්නේ මොබයිල් ෆෝන් වලට.මම මේ ලගදි ගත්ත‍ා ෆෝන් එකක් , ඉතින් ඕකට දාන්න application හොයනකොට තමා මේ සයිට් ඒක හම්බුනේ. සයිට් එක තමා www.getjar.com

ගොඩක් දෙනෙක් මේක දන්නවා ඇති. ඒත් ඉතින් දන්නැති කට්ටියත් ඉන්නවානේ. මේ site එක මගින් විවිධ මොබයිල් ෆෝන් වර්ග වලට applications, games වගේ දේවල් download කරන්න පුළුවන්. මෙම site එකේ දකුණු කෙලවරේ තිබෙනවා මොබයිල් ෆෝන් මොඩල් එක තෝරන්න. ඊට පස්සේ පුළුවන් අපිට applications, games හොයලා බලන්න. හැබැයි Chinese ෆෝන් වලට තමා කේස් එක. මොකද Chinese ෆෝන් මොඩල් එක මෙහි සදහන්‍ වෙන්නේ නෑ. හැබැයි ඒකටත් ක්‍රමයක් තියනවා, මොකද මගේ ෆෝන් එකත් Chinese එකක් නිසා මමත් ට්‍රයි කලා.

Chinese ෆෝන් වලට හරියන්නේ jar කියන ‍ෆයිල් ‍ෆෝමැට් එක. කරන්න තියෙන්නේ මෙච්චරයි, Chinese ෆෝන් ඒකේ display size එ‍කට හරියන sony ericsson ෆෝන් එකක් සිලෙක්ට් කරගන්න. ඊට පස්සේ application download කරලා දාලා බලන්න. එතකොට වැඩේ හරි. හැබැයි හැම එකක්ම වැඩ කරනවා කියන්න අමාරැයි. ආහ් තව එකක් කියන්න ඕන අවශ්‍යය නම් මොබයිල් ‍එකෙන් m.getjar.com සයිට් එකට ගිහින් ෆෝන් එකටම application download කරන්න පුළුවන්. හැබැයි කලින් කීවාවගේ Chinese මොබයිල් එකෙන් නම් මේ වැඩේ කරන්න බෑ. මොකද කීවොත් මෙම සයිට් එක මගින් හදුන ගන්නවා ‍ෆෝන් මොඩල් එක. Chinese මොබයිල් එකෙන් ගියොත් වැටෙන්නේ වෙන model no එකක්. ඉතින් එතකොට ඒ download වෙන ඒවා අපේ මොබයිල් එකට ගැලපෙන්නේ නෑ. බලන්න ට්‍රයි කරලා www.getjar.com

Ubuntu Linux ද? Winows XP ද?

2010-02-05T17:50:00.004+05:30

අද මේ කියන්න යන්නේ windows ද හොද linux ද හොද කියලා නම් නෙමේ. internet එකේ ඉද්දි පොඩි වැඩක් හම්බුනා. ඒක ගැන තමයි මම කියන්න යන්නේ. ඇත්තටම මේක කරන්න නම් Ubuntu දාපු PC එකක් ඕන වෙනවා.
අද ගොඩක් දෙනෙක් භාවිතා කරන්නේ Windows XP. ඉතින් xp පාවිච්චි කරලා ubuntu වලට ගියාම එකේ තියන desktop එක සම්පූර්නයෙන්ම වෙනස්නේ. ඉතින් මට හම්බුනේ Ubuntu තියන PC එකට Windows XP වගේ interface එකක් ලබා ගන්න පුළුවන් tool එකක්. මේක කරන හැටි මේ වීඩියෝ එකේ තියනවා. ඒක බලලා කරලා බලන්නකෝ. මමත් කරලා බැළුවා.වැඩි විස්තර ඕනේ නම් http://ubuntu.online02.com/node/14වෙත යන්න.
tool එක බාගන්න

Windows Genuine

2010-01-25T11:03:00.000+05:30

අද මම කියන්නේ අපි වගේ Windows XP හොර කොපි පාවිච්චි කරනකොට වෙන වැඩක් ගැන. කට්ටිය දන්නවා ඇතිනේ windows update (Automatic update) ගැන. Windows XP වල අළුතින් එන service pack එහෙමත් නැත්තම් patch මේ windows update මගින් අපට ලබා දෙනවා.ඉතින් මේ windows update ගන්න පුළුවන් Orginal Xp එකට විතරයි. ඉතින් ගොඩක් අය දන්නේ නැතුව මේ windows update එක on කරනවා. මොකද නැත්නම් "Your might be at risk Automatic Update is turned off" කියලා මැසේජ් එකක් එන්න ගන්නවා.

ඉතින් මෙහෙම ඔන් කලාම windows update අපේ PC එකට ඇවිත් චෙක් කරනවා අපේ තියන XP එක genuine ද කියලා. බැරි වෙලාත් ඒක genuine නොවුනොත් update දීම නවත්තලා අපිට වද දෙන්න පටන් ගන්නවා. ඊට පස්සේ පරිගනයක login screen එකේ "This copy of windws is not genuine" කියලා ඇවිත් අපිට වදයක් වෙනවා. ඉතින් මේ ගැටළුව විසද ගන්නනම් ‍මෙන්න මේ Tool එකෙන් පුළුවන්. ගොඩක් අය දන්නවා ඇති මේ සීන් එක. ඒත් නොදන්න කවුරැ හරි හිටියොත් මෙම tool එක ප්‍රයෝජනවත් වෙයි. මෙම rar ගොනුවේ ඇති bat file එක run කලාම වැඩේ හරි. ‍මෙතනින් බාගන්න.

අළුත් අවුරැද්දේ වැඩ

2010-01-24T13:54:00.001+05:30

ඔන්න එහෙනම් අළුත් අවුරැද්දේ ලියන පලමු ලිපිය.මට බ්ලොග් එක හැමදාම ලියන්න ආස හිතුනත් මට ලියන්න දෙයක් එන්නෙම නෑ. අනික මට තේරෙන්නේ නෑ ලිපියක් සිංහලින් දීර්ඝව විස්තර කරන්න. මගේ පරණ ලිපි දැක්කාම තේරෙනවා ඇති එක ලිපියක් වත් දීර්ඝව ලියා නැති බව. මාර වැඩේ කියන්නේ බලං ගියාම මම සිංහල දන්නෙත් නෑ ඉංග්‍රීසි දන්නෙත් නෑ.:) අද ලියන්න යන්නේ අළුත් අවුරැද්දේ වෙච්ච දෙයක් ගැන

ගිය දවස් ටිකේ නම් මම ෆුල් බිසි වෙලා හිටියේ. අපේ තියෙන්නේ HP ml110 කියන server එකක්. එකේ windows 2003 දාලා IIS, PHP, Mysql දාලා web server එකක් විදියටයි වැඩ කරන්නේ. මොකද අපේ වැඩ කරන package එක වැඩ කරන්නේ webbase. ඉතින් Mysql backup එක ගන්න විදියක් නැතිව තමා මාර කට්ටක් කෑවේ. වෛරස් එක නිසා cmd එක වැඩ කරන්නේ නැතුව ගියා. ඒ කියන්නේ cmd ඕපන් කරලා තත්පර 3-4 නික් close වෙලා යනවා. Mysql backup එක ගන්නේ mysqldump කියන exe ෆයිල් එකෙන්. ඒක වැඩකරන්නේ cmd එකේ. ඉතින් dump එක ගහලා තත්පර 3-4 යද්දි close වෙනවා.ඊට පස්සේ ක්‍රමයක් හෙව්වා cmd එක ගොඩ දාගන්න, ඒකත් බැරිවුනා, ඊට පස‍්සේ හෙව්වා remote PC එකක ඉදන් Mysqldump එකක් ගහන tool එකක්. ඒත් හදිසියයි බයයි නිසා මුකුත් කරගන්න බැරිවුනා.

ඉතින් දන්න කියන කට්ටියගෙන්ම ඇහුවා ඒත් විකල්පයක් නෑ. ඔක්කොම කියන්නේ phpmyadmin වලින් backup ගන්න කියලා. ඒක මට කලින් කරන්න පුළුවන් කම තිබුනත් මම ඒක නොකර හිටියේ phpmyadmin backup එක restore වෙන්න පැය 2 විතර යන නිසා. ඊට පස්සේ අපේ කාලිංග අයියගේ පිහිට පැතුවා. facebook වලින් ගැහුවා messeage එකක්. එත් reply එකක් නෑ. ඊට පස්සේ තියන එකම විකල්පය වන phpmyadminමගින් backup එක ගත්තා. ඊට පස්සේ ඒක restore කරන්න ගත්තා වෙන computer එකකට. ඒ අතරේ මම පටන් ගත්තා server එක format කරන්න. පස්සේ server එක format කරලා ඉවර කරද්දිත් අනිත් PC එකේ backup එක තාමත් restore වෙනවා.

ඊට පස්සේ server එකට අවශ්‍ය software ටික දාලා. ඒකටත් backup එක restore වෙන්න දැම්මා. මේ වෙනකොට වෙලාව රෑ 11.00 විතර ඇති. ඉතින් ඔන්න දැන් PC එකෙයි server එකෙයි තරගෙට වගේ backup එක restore වෙනවා. Server එකේ performance වැඩි නිසා server එකට ඉක්මනට (ඉක්මනට කීවට පැය 1.30 විතර ගියා) backup එක restore වුනා. ඊට පස්සේ තමා ඇගට ලේ ටිකක් ඉනුවේ. ඊට පස්සේ මුලින්ම කලේ windows file sharing කියන option එක අයින් කරන එක. Server එකට වෛරස් ආවේ shared නිසයි. දැනට නම් අවුලත් නෑ. තව දෙයක් කියන්න ඕන, කාලිංග අයියා පහුවදා මට එවලා තිබ්බා mysqldump එකක් remote pc එකකින් ගන්න විදිය. ඒ tool එක තමා sqlyog community edition. මම මේක ගැන කලින් දැනගෙන හිටියනම් විනාඩි 2 backup අරගෙන restore ත් කරනවා. දැන් නම් කාලිංග අයියාට පින්සිද්දවෙන්න mysql back ගැන නම් බය වෙන්න දෙයක් නෑ.

ඔන්න ඔහොමයි මගේ අළුත් අවුරාද්ද පටන් ගත්තේ.

Unknowing Devices

2009-11-23T10:26:00.001+05:30

ටික දවසකින් ‍මුකුත් ලියන්නත් බැරිඋනා. ඉතින් කොහොදම කට්ටිය? :) අදත් ලියන්න යන්නේ මම පාවිච්චි කරන tool එකක් ගැන. මේ ලගදි මම පාවිච්චි කලා, ඒක නිසා ඒ ගැන ලියන්න ඕන කියලා හිතුනා.

ඇත්තටම මේ tool එකේ නම තමා Unknowing Devices නම කියද්දිම හිතෙනවා‍ නේද මේකෙන් මොකද කරන්නේ කියලා? මෙමගින් කරන්නේ පරිගණකයක නියමාකාරයෙන් ස්ථාපනය වී නැති Drivers වල Manufacture Name එක Hardware Id, Chipset name එක වගේ අපට Driver එකේ නම හොයා දෙන එක. මෙම තොරතුරැ මගින් අපට අන්තර්ජාලයෙන් ඉතාමත් ඉක්මනින් අදාල driver එක සොයාගත හැකි වෙනවා. Network card, sound card, modem, වගේ PCI devices වගේම Onbord Drivers හදුනාගැනීමේ පහසුකමත් මෙය සතුයි. උඩින් දාලා තියන පින්තූරය බැළුවාම තේරෙනවා මේක කොච්චර ප්‍රයෝජනවත්ද කියලා. මෙතනින් භාගන්න

Folder Option, Task Manager, Regedit සක්‍රීය කරගැනීම

2009-10-16T16:55:00.003+05:30

අද කියන්නේ වෛරස් වලින් windows වලට ‍වල වෙන folder option අක්‍රීය වීම, Regedit අක්‍රීය වීම, task manager අක්‍රීය වීම වැනි දේවල් නැවතත් ක්‍රියාත්මක කරගන්න හැටි. ටෙක්කතා වල මේ සම්බන්ධව කතා කරපු නිසා මට දාන්න හිතුනා. අමුතුවෙන් කියන්න දෙයක් නෑ. මේ tool 3 භාගත කරගෙන කරලා බලන්න.

folder option සහ Regedit Enable කරගන්න පුළුවන් VBS Script දෙකක් සහ TaskManager Enable කිරීම සදහා අවශ්‍යය exe ගොනුවක් තමා මෙහි තියෙන්නේ.

ආ තව එකක්, මෙමගින් අක්‍රීය වෙලා තිබෙන ඒවා සක්‍රීය පමනක් නෙමේ, සක්‍රීය එවා අක්‍රීය කරන්නත් පුළුවන්.කරලා බලලා හොද නරක කියන්නකෝ මෙතනින් භාගන්න.

Procceser Explorer මගින් පරිගණයේ දැනට ක්‍රියාත්මක වන වැඩසටහන් බැලීම

2009-10-11T12:48:00.000+05:30

අදත් ඉතින් ලියන්න යන දේ ගැන අමුතුවෙන් කියන්න ඕන නෑ. අදත් කියන්නේ ඉතින් පොඩි tool එකක් ගැන තමා. මේක කලින් පෝස්ට් එකට ටිකක් විතර සමබන්ධයි. මේ tool එක තමා procceser Explorer.

මෙමගින් අපට පරිගණකයේ දැනට ක්‍රියාත්මක වන සියළුව වැඩසටහන් හා services බලා ගැනීමේ හැකියාවක් තිබෙනවා.වැදගත් වන්නේ මෙමගින් වෛරස් වැඩසටහන් පවා පෙන්වීමයි. සමහර වෛරස් අප හදුනාගත්තත් එය මැකීමට ඉඩ නො‍දෙන්නේ එම වැඩ සටහන ඒ වන විටත් ක්‍රියාත්මක වන නිසායි. ඉතින් මේ tool එක මගින් එම ප්‍රොසෙස් එක ඉවත් කර මකා දැමීමේ හැකියාව තිබෙනවා. තව ගොඩක් වැඩ කිඩ තියනවා. ඔක්කොම කීවමත් අගයක් නෑනේ. පාවිච්චි කරලා බලලා හොද නරක කියන්නකෝ මෙතනින් ගන්න.

Windows ලෝඩ් වෙන වේගය වැඩි කර ගනිමු

2009-10-10T16:43:00.001+05:30

ඔන්න අදත් ඉතින් ලියන්න හදන්නේ පොඩි මෘදුකාංගයක් ගැන. ඇත්තටම මේක මෘදුකාංගයක් කීවට ‍පොඩි Exe ගොණුවක්. ඒත් මෙමගින් කරන වැඩේ කම් ගොඩක් වැදගත්.

අපිට තියන ලොකු ප්‍රෂ්නයක් තමා පරිගණකය ලෝඩි වීමට ගතවන කාලය වැඩි වීම.ලගදි ටෙක්කතා වැඩසටහනකත් මේ ගැන ප්‍රෂ්නයකුත් අහල තිබුනා. ඇත්තටම මේක ප්‍රයෝජනවත් නිසයි ලියන්න හිතුනේ.

මෙම මෘදුකාංගය මගින් අපගේ පරිගනයේ වින්ඩෝස් ලෝඩි වීමේදී ඉබේ ක්‍රියාත්මක වන services, programs ආදිය බලා ගත හැකියි. හැබැයි මෙහිතිබෙන userinit.exe වැඩසටහනට නම් මුකුත් කරන්න යන්න එපා. එහෙම වුනොත් වින්ඩෝස් ලොගෝන් ස්ක්‍රීන් එකින් එහාට යන්න බැරිවෙයි. වින්ඩෝස් වලට අවශ්‍ය service නම් පෙන්නවන්නේ නෑ මෙතන. ඒවා අවශ්‍ය නම් RUN එකෙහි msconfig ලෙස type කර බලා ගන්න පුළුවන්. තවද අපට අවශ්‍ය නැති දේවල් තිබෙනවා නම් ඉබේ ක්‍රියාත්මක වීම නවත්තන්නත් හැකියාවක් තියනවා. උත්සහ කරලා බලන්න. භාගත කිරීමට මෙතන ඔබන්න.

Firefox Optimizer Repet

2009-10-02T15:57:00.000+05:30

මේ දැන් ලැබුනු comment එකක් නිසා මම Firefox Optimizer යන පොස්ට් එකෙහි භාගත කරගැනීමේ පුරැක මෙසේ වෙනස් කරනවා. එහි වෛරස ඇති බව ප්‍රතිචරා දක්වපු අයෙක් මට ප්‍රකාෂ කරතිබුනා. එම නිසා මම මගේ live storage වලම එම ගොනුව upload කරා. ඇත්තටම කවුරැන් වුනත් මේ වගේ වැරදි පෙන්වනවානම් මා ගොඩක් අගය කරනවා. Firefox Optimizer භාගත කරගන්න.( live storage මගින්)

Firefox Optimizer

2009-10-02T13:21:00.001+05:30

ඔන්න එහෙනම් අදත් ලියන්න යන්නේ අපට වැදගත් මෘදුකාංගයක් ගැන. මේ මෘදුකාංගය අදාල Firefox වලට. 2009 අගොස්තු සංගනනයක දැක්වෙන්නේ Firefox භාවිතය 25.69 ලෙසයි. මම නම් දැන අවුරැදු 2 විතර ඉදලා තමයි Firefox පාවිච්චි කරන්නේ. මට තිබ්බ ගැට‍ළුවක් තමයි Firefox වලට Memory usage එක ගොඩක් යන එක.

ඇත්තටම Firefox වැඩකරද්දි කොම්පියුටර් එක පොඩ්ඩක් විතර ස්ලෝ වෙනවා. ඉතින් මේකට පිළියමක් හොයන්න අදහසක් තිබ්බෙත් නෑ. එත් දවසක් අහම්බෙන් වගේ මට වෙබ් අඩවියක තිබිලා හම්බුනා Firefox Ultimate Optimizer කියලා මෘදුකාංගයක්. මෙම මෘදුකාංගය මගින් Firefox වලට යන Memory usage එක ගොඩක් අඩු කරනවා. මේ පින්තූර දෙක දැක්කාම ඔගොල්ලොන්ට තේරෙයි. මේ පින්තූර මම මගේ පරිඝණකයෙන්ම Print Screen ගහලා save කරගත්ත පින්තූර. මේ මෘදුකාංගය නොමිලයේ ලබා දෙන මෘදුකාංගයක්. ඇත්තටම මේ මෘදුකාංගය මගින් කොහොම Memory usage එක අඩු කරනවද කියල නම් මම දන්නේ නෑ. එක් ඉතින් ධනිෂ්ක අයියගේන් තමා අහන්න වෙන්නේ. දන්න කවුරැ හරි ඉන්නවනම් ප්රතිචාර දාන්නකෝ. ඕගොල්ලොත් අරන් බලන්නකෝ. ආ තව දෙයක් කියන්න බැරි උනානේ. මේ මෘදුකාංගය වැඩ කරන්න .NET Framework 2.0 ස්ථාපනය කර තියෙන්න ඕන. Firefox Ultimate Optimizer

MP3 හොයන්න

2009-09-28T13:53:00.004+05:30

ලගදි අනර්ජාලයේ ඉන්න ගමන් හම්බුන සයිට් එකක්. මෙම අඩවිය මගින් අපට අවශ්‍ය mp3 ගොනු සොයාගැනීමට හැකියාවක් තිබෙනවා.මෙම අඩවිය සදහා 4shared අඩවිය භාවිතා කර තිබෙනවා.තවද, online සවන්දීමේ හැකියාව හා භාගත කිරිමේ හැකියාව මෙය වෙබ් අඩවිය සතුයි. තවත් දෙයක් තියනවා අපට අවශ්‍ය ගීතය Embed කිරීම සදහා අවශ්‍ය කේතයත් මෙමගින් ලබා දෙනවා. මම ආස සින්දුවක් Embedded කරන්නම්කෝ. ඔයාලත් ගිහින් බලන්න.

Ratagili - Julia Movie

Get this Mp3 @ Mp3.Slview.Com

අළුත් කලා

2009-09-28T13:47:00.002+05:30

ඔන්න එහෙනම් මමත් අලුත් ටෙම්ප්ලේට් එකකට මාරැ වුනා.:) මම හිතන්නේ මට වගේම මේ බ්ලොග් එක බලන අනිත් කට්ටියටත් කලින් තිබුන ටෙම්ප්ලේට් එක දැකලම ඇති වෙන්න ඇති. එහෙනම් අද ඉදන් මම අළුතෙන් පටන් ගන්නවා මේක ලියන්න. ඒත් කාගෙවත් ප්‍රතිචාර නැති නිසා මේ බ්ලොග් එක බලන්නේ නෑද්දෝ කියලා මට හිතෙනවා. බලමු ඒකටත් වැරදි මමමනේ. මොකද ගොඩක් කාලයක් මුකුත් ලිව්වේ නෑනේ. කමක් නෑ ආයෙත් මම පටන් ගන්නවා.
සිංහල යුනිකේත වලට ජයවේවා !!!!!!!!!!! :) :)

Pidjin සමගින් චැට් කරන්න

2009-08-28T10:48:00.007+05:30

ඔන්න එහෙනම් අදත් ‍පොඩ් මෘදුකාංගයක් ගැන කියන්නයි යන්නේ . ‍කවුරැත් දන්නවනේ Chat ගැන. Chat ගැන කතාකරද්දි ගොඩක් කට්ටිය දන්නවා yahoo messenger, google talk, skype, Msn massager වගේ නානාප්රකාර chat මෘදුකාංග ගැන. අපි හිතමු අපේ යාළුවෝ YAHOO වලයි, google වලයි, MSN වලයි ඉන්නවා කියලා එතකොට අපි yahoo messenger, google talk, MSN messenger යන මෘදුකාංග තුනම ස්ථාපනය කර ති‍යෙන්න ඕන. මේ ගැටළුව මගහරින්න තමා නොමිලයේ ලබා දෙන Pidjin කියන මෘදුකාංගය නිෂ්පාදනය කරලා තියෙන්නේ. මෙම මෘදෘකාංගය මගින් විවිධ chat Room වල sing in කරන්න පුළුවන්. ඒ කියන්නේ yahoo, google, msn කියන තුනේම ඉන්න යාළුවන් සමග අපට කතා කරන්න පුළුවන්. මෙමගින් AIM, Bonjour, Gadu-Gadu, Google Talk, Groupwise, ICQ, IRC, MSN, MySpaceIM, QQ, SILC, SIMPLE, Sametime, XMPP, Yahoo!, Zephyr කියන හැම chat එකක් එක්කම සම්බන්ද වෙන්න පුළුවන්.
ඇත්තම කියනවනම් මම ලියන්න ලෑස්ති වුනේ මට අද හම්බුනා Pidjin වලට Facebook chat pluging එක්ක. ඇත්තටම මට කියන්න ඕන වුනේ ඒක. ඒත් Pidjin ගැන දන්නේ නැති කවුරැ හරි හිටියොත් එගොල්ලන්ට දැනගන්නත් එක්කයි ලිව්වේ. මෙතන සදහන් කර නැති සමහර chat room වල pluging Pidjin වෙබ් අඩවියෙන් නොමිලයේම Download ගැනීමේ හැකියාව තියනවා.

USB Disk Security

2009-08-27T16:07:00.003+05:30

ඔන්න එහෙනම් කාලෙකට පස්සේ මම අළුතින් දෙයක් ලියන්න යන්නේ. අද ඉදන් වත් හැමදාම අළුතින් දෙයක් ලියන්න හිතුනා. අද මම කියන්න යන්නේ අද කාලේ හැටියට අපිට ඉතාම වැදගත් මෘදුකාංගයක් ගැන මෙකේ නම තමා USB Disk Security. නම ඇහුවාම ඕන‍ කෙනෙක්ට හිතාගන්න පුළුවන් මේක USB Pen drive වලට සම්බන්ද දෙයක් කියලා. ඇත්තටම දැනට ගොඩක් පරිගණක වලට වෛරස් එන්නේ USB Pen drive වලින්. මෙන්න ඒකට නියම මෘදුකාංගයක්. මෙම මෘදුකාංගය ස්ථාපනය කරගත් පසුව පරිගණකයට සම්බන්ධ කරන Pen drive වල තිබෙන වෛරස් මෙමගින් පරීක්ෂා කර බලනවා. ඉන් පසු අපට අවශ්ය් නම් එය මකා දමන්න හැකියාව තිබෙනවා. තවත් විශේෂයකට තියෙන්නේ මෙම මෘදුකාංගය Update කරන්න අවශ්ය්ය නෑ. ඇත්තටම මෙම මෘදුකාංගය මට ඉතාමත් ප්රශයෝජනවත් මෘදුකාංගයක්. ඔගොල්ලන්ටත් මේක ගොඩක් ප්රුයෝජනවත් වේවි. මෙන්න ලින්ක් එක USB Disk Security

Craagle

2008-08-14T10:49:00.003+05:30

මොකද්ද මේ Craagle කියන්නේ? ඒක නිකන් Google වගේද? නෑ මේ තියෙන්නේ කාටත් වැදගත් මෘදුකාංගයක්. අපට මොකක් හරි මෘදුකාංගයක Crack, Serial එකක් අවශ්‍යය වුනොත් අපිට අන්තර්ජාලයේ කොච්චර චෙක් කරන්න වෙනවද? මට නම් එපා වෙනවා. අනිත් එක ගොඩක් Crack, Serial තියෙන යයිට් වල Porn, Virus, Spam වැහි වැහැලා. හැබැයි මේ මෘදුකාංගය මගින් අපට අවශ්‍ය Crack එක එහෙමත් නැත්නම් Serial එක හොයාගන්න පුළුවන්. මම හිතනවා මේ මෘදුකාංගය කාටත් ඉතාම වැදගත් මෘදුකාංගයක් වෙයි කියලා.

Download Craagle

PC CLINIC

2008-08-11T18:19:00.004+05:30

මෙන්න ලගදි හම්බුන නියම සයිට් එකක්. මෙම සයිට් එක මගින් අපිට තිබෙන පරිගණක ආශ්‍රිත ගැටළු වලට විසදුම් සොයාගන්න පුළුවන්. Hardware Support, Software Support, Network Support, Data Recovery යන අංශ මෙහි ඇතුලත්. මෙම සයිට් එක සිංහලෙන් බැලීමට පුළුවන් නිසා ඕනම කෙනෙක්ට ඉතා පහසුවෙන් පරිඑරණය කරන්න පුළුවන්. ගිහින් බලන්න PC CLINIC

Driver Magician

2008-08-07T12:17:00.004+05:30

Computer එකක් Format කලාට පස්සේ Drivers හොයන එක මහ කරදරයක්. ඉතින් ඒකට විසදුමක් ලෙස මෙම Driver Magician මෘදුකාංගය භාවිතා කරන්න පුළුවන්. මෙමගින් පරිගණකයේ ඇති Drivers Backup කර ගැනීමේ හැකියාව තිබෙනවා. තවද මෙමගින් Drivers Update කර ගැනීමේ හැකියාවද පවතී. තවත් විශේෂයක් හැටියට මම දකින්නේ Unknown Devices හදුනා ගැනීම හා ඒවා අන්තර්ජාලය හරහා ලබා ගැනීමට හැකිවීම. හැබැයි මේ සියල්ල සදහා අන්තර්ජාලය අවශ්‍ය වෙනවා. Drivers Backup කිරීම සදහා නම් අන්තර්ජාලය අවශ්‍ය වන්නේ නෑ.උත්සහ කරල බලන්න. Download Driver Magician

Speed Test

2008-08-06T19:22:00.005+05:30

‍මෙන්න ඉන්ටර්නෙට් ස්පීඩ් එක මනින්න වෙබ් පේජ් එකක්. මෙමගින් Online Speed එක මනින්න පුළුවන්.

speed test

Computer.lk

2008-08-01T09:10:00.002+05:30

කාට හරි පරිගණකයක හරි පරිගණක කොටස් වල හරි මිල ගනන් දැනගන්න ඕන වුනොත් මොකද කරන්නේ? Computer Shop ගිහින් අහන එක තමයි ඉතින් කරන්නේ. එත් දැන් බොහෝ දෙනා ඒ සදහා අන්තර්ජාලය භාවිතා කරනවා.. මේ තියෙන්නේත් ඒ වගේ Webpage එකක් තමයි. මම මෙහි දකින විශේෂත්වය වන්නේ මෙහි පරිගණක කොටස් හා පරිගණක වල අගයන් රැපියල් වලින් දැක්වීම. බොහෝ Webpage වල මිල ගනන් දැක්වෙන්නේ $ වලින්, ඉතින් ඒක නැවත රැපියල් වලට හරවන එක කරදරයක්නේ. Credit card පහසුකම තිබෙන පාරිභෝගිකයන්ට Online Shopping කරන්නත් මෙහි පහසුකම් දීලා තිබෙනවා.

Computer.lk

VMware Workstation

2008-08-01T08:52:00.003+05:30

කාට හරි Windows XP තියෙන Computer එකකට Windows 98 දාගන්න ඕන වුනොත් මොකද කරන්නේ ? Hard disk එක format කරලා windows 98 දාලා ඊට‍ උඩින් windows xp දාන එකනේ කරන්නේ. ඒත් VMware Workstation නිසා එහෙම කරන්න ඕන නෑ. මේ මෘදුකාංගය මගින් කරන්නේ virtual computer එකක් හදන එක. ඉතින් අපිට ඕනම Operating system ස්ථාපනය කරගන්න පුළුවන්. මෙහි ඇති විශේෂත්වය වන්නේ එකිනෙකට වෙනස් Operating system’s ස්ථාපනය කර ගැනීමට හැකිවීමයි. Microsoft Windows වල සියළුම සංස්කරණ, Linux වල සියළුම සංස්කරණ, novel Netware වල සියළුම සංස්කරණ හා sun Solaris වල සියළුම සංස්කරණ ස්ථාපනය කර ගැනීමට මෙමගින් හැක..

Windows වල සිට redHat Lunux වැඩ කරන අයුරැ

Options

Password Gorilla

2008-07-29T15:08:00.002+05:30

‍

ගොඩාක් සයිට් වල නම්, රහස් යෙදුම් මතක තියාගන්න එක් එක මහ කරදරයක් නේද? මෙන්න ඒකට අපූරැ විසදුමක්.මෙම Password Gorilla මෘදුකාංගය මගින් සියළුම URL සහ Password ආරක්ෂිතව ගබඩා කර තබන්න පුළුවන්. මෙය 1.55mb තරම් පොඩි මෘදුකාංගයක් නිසා එකක උනත් ක්‍රියාත්මක කරන්න පුළුවන්.

download PasswordGorilla

‍‍987mb වෙතින් නොමිලයේ වෙබ් ඉඩක්

2008-07-29T14:59:00.003+05:30

නොමිලයේ වෙබ් ඉඩල් ලබාගන්නවනම් මෙන්න තවත් සයිට් එකක්.මෙම www.987mb.com අඩවියෙන්

* 50,987mb of free web space
* 50,987mb monthly bandwidth
* PHP5 & mySQL
* FTP Access යන පහසකම් ලබා ගන්න පුළුවන්.මුදල් ගෙව්වොත් තවත් ගොඩාක් විශේෂාංග මේ සයිට් එකින් ලබා ගන්න පුළුවන්

ඇපල් වල දියුණුව

2008-07-29T14:41:00.000+05:30

Sri Lanka Online Radio

2008-07-28T19:43:00.002+05:30

මේ තියෙන්නේ දැන් තිබෙන ගොඩාක් රේඩියෝ චැනල් අහන්න පුළුවන් ප්ලේයර් එකක්. මේ ප්ලේයර් එක ලබා දෙන්නේ www.suduputha.com වෙතින්.

download suduputha player

නොමිලයේ CO.CC ඩොමේන් එකක්

2008-07-28T19:09:00.005+05:30

ඔබ්ට CO.CC ‍‍ඩොමෙන් එකක් ලබාගන්න නම් මේ වෙබ් සයිට් එක අවශ්‍ය වෙනවා. මෙහිදි සිදුවන්නේ URL forword කිරීමක්. ඔගොල්ලොත් ගිහින් බලන්න. www.co.cc

කාලෙකට පස්සේ...............

2008-07-28T19:07:00.002+05:30

ඔන්න සෑහෙන කාලෙකට පස්සේ මම අයෙත් ලියන්නයි සූදානම. මට ඉන්ටර්නෙට් පහසකම නැති නිසා මට ගොඩක් කාලෙකින් ලියන්න බැරිවනේ. ඒත් දැන් මට නැවතත් ඉන්ටර්නෙට් පහසකම ලැබුනු නිසා නැවතත් ලියන්න පුළුවන්

www.talents.lk

2008-01-12T22:43:00.000+05:30

ලංකාවේ ඉන්න ඉන්න ආර්ටිස්ලා ගැන දැනගන්නවා නම් මෙන්න සයිට් එක. මටත් අහම්බෙන් හම්බුනේ. ගොඩක් ප්‍රසිද්ද ආර්ටිස්ලාගේ විස්තර ඕන කරන අයට මේක ගොඩක් වැදගත් වෙයි. මම කැමති ගොඩක් ආර්ටිස්ලා මේකේ ඉන්නවා.ඔයාලත් ගිහින් බලන්න www.talents.lk

මද විරාමයක්....................

2008-01-05T22:52:00.000+05:30

මට සමාවෙන්න ඕන මගේ බිලොග් බලන අය. කට්ටියම බනිනවා ඇති අළුත් අවුරැද්දක් ඇවිලත් මොකද අළුත් මුකුත් දාන්නේ නැත්තේ කියලා.
මට පොඩි ගැටළුවක් ආවා. මම දැන් ඉන්නේ කොළඹ. වෙන රස්සාවක් හම්බුන නිසයි කොළඹ ගියේ. ඉතින් මට ඉන්ටනෙට් පහසුකම නැති නිසා බ්ලොග් එක ලියන්න වෙන්නේ ගෙදර ආවහමයි. මම ඉක්මනටම විකල්පයක් හොයාගන්නම්. එතකල් රැදී ඉන්න ම‍ෙග් අඩවියේ.

ලගදීම බලා පොරොත්තුවන්න...............................................

මගේ බ්ලොග්

2007-12-30T02:23:00.001+05:30

දැනට මගේ බ්ලොග් එක 100 ටත් වඩා නරඹපු බව මම යොදල තිබෙන කවුන්ටර් එකේ සදහන් වෙනවා. එත් මම හිතන්නේ මේක වැඩිපුරම නැරඹුවෙ මම. ඇයි දන්නවද? මම තාම අළුත්නේ ‍බ්ලොග් ලියන්න, ඉතින් අළුතින් මොනව හරි එකතු කලොත් මම අනිවාර්යෙන්ම එක බලනවා.

දෘෂ්ටි මායා

2007-12-30T01:44:00.000+05:30

හැමදාඑ එකවගේ දේවල්ම කියන හින්දා මට හිතුනා අද වෙන දෙයක් පෙන්වන්න. බලන්න මේ පින්තූරය දිහා, ඒකේ කළුපාට තිත් කීයක් පේනවද? ඒක එකින් එකට මාරැ වෙනවා නේද? ඒත් ඇත්තටම මෙතන එකම කළු තිතක් වත් නැහැ. මේවට තමා කියන්නේ දෘෂ්ට් මායා කියලා.

ආහ්! එතකොට මේ පින්තුරේ කොහොමද? මේකත් දෘෂ්ටි මායාවක්.

Comment

2007-12-30T01:37:00.000+05:30

මගේ ලිපිය කවුරැත් කියවන්නෑ කියල මට හිතෙනවා. ඒ ඇයි දන්නවද මට කවුරැත්ම තවම අදහස්, උදහස් දක්වලා නෑ. ඒ උනාට මම බලාපොරොත්තු වෙනවා ඔයාලගේ අදහස් වගේම උදහස්. මගේ පිටුව ගැන ඔයාලට හිතෙන දේ Comment තීරැවේ ලියන්න.

Pinthoora.com

2007-12-22T04:56:00.000+05:30

ගොඩක් අය නම් දන්නවා ඇති මේ මොකද්ද කියලා. ඒත් දන්නැති අයත් ඇතිනේ. එකයි මට මේ ගැන කියන්න හිතුනේ. මෙය හදුන්වා තියෙන්නේ “මව්බිම අසිරිය ගෙනෙනා... හෙට දින බිහිවන විශාලතම පින්තූර පුස්තකාලය” ලෙසටයි. මට මතක හැටියට මේ වේබ් පිටුව අරඹලා දැන් මාස තුන හතරක් විතර ඇති. ඉතින් ලංකාවේ මෙහෙම වැඩක් කරන කොට කාටද ආඩම්බර. මම හිතනවා මෙම වෙබ් පිටුව දැනට ඉදිරියෙන්ම ඇති www.Flickr.com කියන වෙබ් පිටුවට වඩා ඉදිරියට යයි කියලා. ඉතාම ඉක්මනට ඒ තත්වෙට එන්න කියලා මම ප්‍රාර්ථනා කරනවා. තාමත් මේ වෙබ් පිටුවට ගියේ නැත්තම් ගිහින් බලන්න http://www.pinthoora.com/

FireFox 3

2007-12-18T02:33:00.000+05:30

ඔන්න FireFox භාවිත කරන අයට සුභ ආරංචියක්. දැන් FireFox අලුත්ම සංස්කරණයට එලිදක්වා තිබෙනවා. හැබැයි තවම එහි Beta Virsion එක පමණයි දීලා තියෙන්නේ. මෙය විශේෂයෙන්ම මෙය වින්ඩෝස් අලුත්ම සංස්කරණය වන විස්ටා හිදීත් හොදින් ක්රියාත්මක වන බවයි සදහන් වන්නේ. තවද මා දකින ‍විශේෂම වාසිය වන්නේ මෙහි Download කරන දේවල් resuming Download කිරීමේ පහසුව. ඒ කියන්නේ අපි සාමාන්‍යයෙන් ඩවුන්ලෝඩ් කරද්දී Dowmload Accelerator පාවිච්චි කරනවානේ, ඉතින් මේ FireFox 3 වලින් ‍ඒ ගැටළුවත් විසදී තිබෙනවා. තව විශේෂත්ව රාශියක් මෙහි අන්තර්ගත වී තිබෙනවා. තව මාස කිහිපයකින් මෙහි Full Vision එක ලබා දෙයි කියා මා විශ්වාස කරනවා.

සමාවෙන්න

2007-12-18T02:26:00.000+05:30

මට ගොඩක් කාලෙකින් මුකුත් ලියන්න බැරිවුනාට මුලින්ම මම සමාව අයැද සිටිනවා. මේ දවස් වල වැඩ වැඩි නිසා මට මුකුත්ම ලියන්න බැරිවුනා. ලබන සතියේ සිට මම අළුතින් ලියන්න බලාපොරොත්තු වෙනවා. රැදී ඉන්න මගේ අඩවියේ.

Flickr

2007-11-18T22:48:00.000+05:30

අහල තියනවාද Flickr? Flickr කියන්නේ ලෝකයේ ඇති පළමු පෙලේ ඡායාරෑප හුවමාරැ අඩවියයි. 2004 පෙබරවාරි මාසයේ පමණ ආරම්භ වූ Flickr වෙබ් අඩවියේ දැනට ඇති ඡායාරෑප ගණන දහතුන් ‍ෙකා්ටියක් පමණ වේ. මෙහි ඇති විශේෂත්වය වන්නේ ඕනම පරිශිලයෙකුට මෙයින් ඡායාරෑප භා‍ගත කිරීමට හා ඡායාරෑප අන්තර්ගත කිරීමට හැකි වීමයි. ඒ සදහා කිසිදු ගාස්තුවක් අය නොකිරීම මෙහි ඇති තවත් විශේෂත්වයකි. flickr.

මවුස්

2007-11-18T22:26:00.000+05:30

මම පහුගිය දිනක කරපු දෙයක් මතක් වුනා. ඒක ඔයාලටත් වැදගත් වෙයි කියලා හිතුන නිසයි මේක ලියන්න හිතුනේ. මම පාවිච්චි කරන්නේ Laser Mouse එකක්. දැන් ඉතින් ගොඩක් අය පාවිච්චි කරන්නේ Laser Mouse නේ. ඉතින් මේ මවුස් එක අරන් මාස 6 විතර ගියාට පස්සේ මවුස් එක හොල්ලන්නෙ නැතුව තියෙද්දි Cursor එක නලියන්න ගත්තා‍. මම ඉතින් Photo Edit කරන්න ගියාම හරියට Select වෙන්නේ නෑ. හැබැයි මවුස් එක ගත්ත දවසට වඩා එකේ බල්බ් එකේ එලිය අඩුවෙලයි තිබුනේ. පස්සේ මම බැරිම තැන ගත්තා අලුත් මවුස් එකක්. ඉතින් පරන මවුස් එකට මොකද වුනේ කියල බලන්න මට ඕන වුනා. මම කලින් කිව්වේ බල්බ් එකේ එළිය අඩු වෙලා තිබුනෙ කියලා. ඉතින් මම හිතුවා ඒ බල්බ් එකේ අවුලක් ඇති කියලා. මම මවුස් එක ගලවලා බල්බ් එක තිබුන තැනට ඒ වගේම බල්බ් එකක් සවිකලා. හැබැයි ඒ බල්බ් එක තිබ්බ එකට වඩා එලියයි. මෙන්න බොලේ මවුස් එක තිබ්බටත් වඩා හොදට වඩා කරනවා. ඔයාලත් මවුස් එක විසි කරන්න කලින් මේකක් කරලා බලන්න. සමරවිට හරියයි

Customize Folder Wizard

2007-11-18T22:20:00.000+05:30

කැමතිද මේ වගේ ෆෝල්ඩරයක් ඇතුලට පින්තූරයක් දාගන්න? මේ පහසුකම Windows 98 වල නම් තිබ්බා. එත් Windows XPල මේ පහසුකම නැත්තේ කියලා නම් මම දන්නෑ. ඒකට මෙන්න විසදුම. Customize Folder Wizard කියන මෘදුකාංගයෙන් ‍මේ ක්‍රියාව එහෙමත් නැත්තම් ෆෝල්ඩරයකට පින්තූරයක් ඇතුල් කිරීම පහසුවෙන්ම සිදු කරන්න පුළුවන්. මෘදුකාංගයක් කිව්වට මේක ස්ථාපනය කල යුතු නෑ. පිටපතක් තබා ගත්තොත් හොදටම සෑහේ. මෙය 51.5Kb පොඩි ප්‍රමාණයක ෆයිල් එකක්. Pen Drive වලට පින්තුර ඇතුල් කිරීම සදහාත් මෙය භාවිතා කරන්න පුළුවන්. උත්සහ කරල බලන්න. Customize Folder Wizard

USB 3.O

2007-11-18T03:31:00.000+05:30

ඔන්න ඉතින් USB 2.0 වල කාලෙත් ගියා දැන් එන අලුත්ම සාමාජිකයා තමයි USB 3.O මේ USB 3.O එක USB 2.O වලට වඩා 10 ගුණයකටත් වඩා වේගවත් සාමාන්‍යයෙන් USB 2.0 වල උපරිම වේගය 480MBit/s. පමණයි. ඒත් USB 3.O වල උපරිම ව්ගය 4.8Gbit/s පමණ වෙනවා. ඒ නිසා ඉදිරියට USB 3.O තාක්ෂණයෙන් නිපදවන USB Flash Drive වල Capacity එක නම් 10Gb වලටත් වඩා ඉහල යයි. හැබැයි ලංකාවට එන්න කොච්චර කල් යයිද දන්නෑ

ෆොටෝෂොප්

2007-11-17T00:50:00.000+05:30

මම ඔයාලට කලින් කිව්වවේ මම Photo Editing කරනවා කියලා. මම පොඩි වැඩක් කලා බලන්නකෝ මේ ‍ෆොටෝ දෙකේ වෙනස.

මොකද්ද මේ හයිබ(ර්)නේට් (Hibernate)

2007-11-17T00:46:00.001+05:30

මොකද්ද මේ හයිබර්නේට්? මම ඩික්ෂනරියෙනුත් බැලුවා. ඒකෙ නම් තිබ්බේ ශිශිරතරණය කරනවා. මොකද්ද මේ හයිබර්නේට් එකෙන් වෙන්නේ? මේ පහසුකම හැම Windows XP Version එකකම ලබා දීල තියනවා. මේකෙ තියන පහසුකම තමයි හයිබර්නේට් කරන වෙලේ ඕපන් කරල තියන සෑම ඩොකියුමන්ට් එකක්ම ඒ විදියටම සේව්වෙනවා. අපි කියමු ‍ෙපාටෝ ෂොප්, කොරල් ඩ්‍රෝ, පේජ් මේකර් වගේ මෘදුකාංග කිහිපයක වැඩ කරනවා කියලා. මේ මෘදුකාංග ඇරෙන්න සාමාන්‍යයෙන් අනිත් මෘදුකාංග වලට වඩා වැඩි වෙලාවක් ගන්නවා. අපි පරිගණකයේ වැඩ කරලා ක්‍රියා විරහිත කරලා පසුව අයෙත් පරිගණකය ක්‍රියාත්මක කරන්න උනොත්. ආයෙත් ‍පොටෝ ෂොප්, කොරල් ඩ්‍රෝ, පේජ් මේකර් අරින්න උනොත් ආයෙත් වැඩි වෙලාවක් ගත වෙනවා. මේ කාලය අපිට ඉතිරිකරගන්න පුළුවන් හයිබර්නේට් කියන පහසුකම නිසා. එතකොට නැවත මෘදුකාංග විවෘත කරන්න අවශ්‍ය වෙන්නේ නෑ. ඒවා තිබුනු විදියටම එහෙම්මම තියනවා. ආ හයිබර්නේට් ගැන කිව්වට කරන හැටි කිව්වේ නෑනෙ. මෙන්න පාත් එකStart --- Control Penal--- Performance and Maintenance---Power Option කියන ඩයලොග් බොක්ස් Hibernate කියන Tabඑකේ Enable Hibernate කියන check box එකට ටික් එකක් දාන්න. හැබැයි ඒකට 100mb විතර Free space එකක් තියෙන්න ඕන. හයිබර්නේට් කරන්නේ සාමාන්‍යයෙන් අපි පරිගණකය off කරන විදියටමයි. start----- Turn Off ගියාම වැටෙන්නේ Turn Off, Stand By, Re start කියලනේ. අපි එතකොට Shift Button එක් ඔබන්න ඕන. එතකොට Stand By කියන Option එක Hibernate කියන Option එක බවට හරෙනවා.

යාපහුව

2007-11-16T22:56:00.000+05:30

යාපහුව ඔයාල අහල තියනවා නේද යාපහුව ගැන. මම ඒ පැත්තේ ඉන්න නිසා මට හිතුනා යාපහුව ගැන පොඩ්ඩක් ලියන්න. යාපහුව ගොඩක්ම ප්‍රසිද්ධ වෙලා තියෙන්නේ පඩි පෙල නිසා‍. පඩි පෙල ‍ෙදපැත්තේ ඉන්න සිංහයෝ දෙන්නත් ඒකට එක් හේතුවක්. මම අහල තියෙන විදිහට යාපහුවේ අවසානෙටම රජකම් කරල තියෙන්නේ පස්වන බුවනෙකබාහු රජතුමා.
මම ‍ඉතින් යාපහුව ල්‍රග හිටියට‍ වැඩිපුර ගිහිල්ලා නෑ. යාළුවෝ ටිකක් සෙට් උනාමනම් ඉතින් යනවා. යාපහුවේ ගල උඩ නම් ඉතින් එච්චර දෙයක් නෑ බලන්න. උඩ තියෙ‍න්නේ පරණ නටබුන් විතරයි. ආ තව එකක් කියන්න බැරි උනානේ. ඔය යාපහුව පඩි පෙල දකුණු පැත්තේ තියනවා උමගක්. එක කොහාට යනවද කියල නම් කවුරැවත් දන්නේ නෑ. සමහර

අය කියනවා ඒ උමගෙන් කයිකාවල පන්සලට යන්න් පුළුවන් කියලා. කයිකාවල කියන්නේ යාපහුවට පොඩ්ඩක් එහායින් තියන පන්සලක්. කවුද ඉතින් ඕවා දන්නේ. අපි ගිහින් නෑනේ උමග ඇතුලට. ඒත් ඉතින් සමහර කට්ටිය ආසයිනේ ඕක ඇතුලේ මොනවද තියෙන්නේ බලන්න. ඒක නිසා තමයි උමග ඇතුලට යන්න බැරිවෙන්න තාප්පයක් බැදලා තියෙන්න. කිව්වට මොකද මටත් පොඩි ආසාවක් තිබ්බ‍ා ඕකේ මොනවද තියෙන්නේ බලන්න.

ආයුබෝවන්

2007-11-16T22:41:00.000+05:30

සිංහල යුනිකෝඩ් වලට පින් සිද්ධ වෙන්න ඔන්න මාත් හා හා පුරා කියල මාත් පටන් ගත්තා බ්ලොග් එකක් ලියන්න. ආ! මුලින්ම ඔයාලටම මම ගැන කියන්න ඒපැයි නේද. මම කසුන් ඉන්දික. වයස 19. ඉන්නේ මහව කියන ගමේ. දැන්නම් ඉතින් ගම කියන්න බෑ. මොකද කියනවනම් දැන් නාගරිකකරණය වෙලා තියෙන්නේ. ඔයාලා දන්නවනේ යාපහුව. යාපහුව තියෙන්නේ මහව තමා. ගොඩක් අය දන්නේ නෑ මහව කියන්නේ කොහෙද කියලා.
මම දැනට වෘත්තියක් විධියට කරන්නේ Type setting කරනවා. Photo Editing, Video Editing, Computer Repairing වගේ ඒවත් කරනවා. හැබැයි ඉතින් වෘත්තිය මට්ටමෙන් නම් නෙම්. විනෝදාංශයක් විධියට. අනිත් අය බ්ලොග් Upload කරන්න මොන ක්‍රම පාවිච්චි කරනවද දන්නේ නෑ. මම නම් පාවිච්චි කරන්නේ City Link දුරකථනයක්. වේගයනම් ටිකක් මදි තමා. එත් ඉතින් මොනවා කරන්නද. මම පාවිච්චි කරන්නේ කම් Internet Explore. Opera, Mosilla Fire Fox, Safari කියන ඒවත් පාවිච්චි කරලා තියනවා. ඒ වුනාට මට හිතට ඇල්ලුවේ Internet Explore තමයි. ම් , Mosilla Fire Fox වලත් වැරැද්දක් කියන්න නෑ.
ආ තව එකක් කියන්න ඕන. මේ පැත්තෙන් බ්ලොග් එකක් ලියන එකම එක්කනා මම වෙන්න ඕන. මේ පැත්තේ කට්ටිය අන්තර්ජාලය භාවිතා කරනවා හරිම අඩුයි. අනිත් එක මම අවුරැදු දෙකක් විතර අන්තර්ජාලය පාවිච්චි කරලත් සිංහල බ්ලොග් ගැන දැනගත්තේ මේ ලගදිනේ.
සිංහල යුනිකොඩ් ටයිප් කරන එක එච්චර අමාරැ නෑ මොකද මම වෘත්තියෙන් Typist කෙනෙක් නිසා. ඒත් ඉතින් පොඩි පො‍ඩි පොඩි අකුරැ නම් වෙනස්. මම කලින් කිව්වේ සිංහල වල පොඩි ප්‍රෂ්නයක් ආවා කියලා. ඒක දැන් හරි. මම මේ බ්ලොග් ලිවිල්ල ගැන දැනගත්තේ දැන් මාසෙකට විතර උඩදී. ඒ උනාට මම අවුරැදු දෙකක් විතර අන්තර්ජාලය පාවිච්චි කලා.
මම මුලින්ම දැක්කේ "මලින්තගේ සටහන" කියන බ්ලොග් එක. ඊට පස්සේ තමයි "ආදරණීය අඩවිය, වෙබ් ආලෝචනා" වගේ ඒවා දැක්කේ. ඉතින් මටත් හිතුනා ලියන්න. එහෙනම් ඔයාලා බලාගෙන ඉන්න මම හැම අංශෙකින්ම දැනුම ඔයාලට දෙන්න බලා පොරොත්තු වෙනවා.